04/21/13 澳洲袋鼠隊成立小聚會

今日真係好開心，澳洲雪梨鳴遠同學終於可以再聚會，自從兩個多月前參加雪梨前越南華校校友聯歡後，因各方時間問題，所以遲遲未約好，同時上次見面場面太嘈 雜，好難傾偈，今次唔同啦！相約於天天漁村酒家飲茶，一傾就傾上三個半鐘頭，從酒家開市，只得一兩枱客，到爆棚滿座，最後亦只剩幾枱客結帳，我地先至捨得 離開，相信酒家部長都唔係幾開心，成日眼掘掘，眼超超咁！冇法，因大多野講，講唔完嘅話題，話題真係從嗚遠出發，至依家各人生活，可以話口水多過茶，哈 哈！連充茶都唔知充咗幾多壺，當然梗係唔係靜係飲茶，點心蒸籠都擺滿枱，總之，大家食得，飲得，傾得，聽得，仲座得，非常愉快嘅一個聚會。好啦總結今日重 要話題，1：夏威夷之旅已經告吹，無望。2: 澳洲袋鼠隊決定揮軍美國，學濤將籌備明年五或六月先到羅省，後參加郵輪墨西哥之旅，之後大隊剎落三番市：目前只初步構思，若美國盟友有意思參與，就等下回 報導。學濤今日亦影有多張相，但相信要等站長歸位先至可以上載，今日就睇住咁多先！
羅偉銓
今日出席有薛學濤夫婦，吳建立夫婦，黃樹坤夫婦，方德芳夫婦，本人及太太，一共十人

左起: 黃樹坤夫婦, 方德芳夫婦, 羅偉銓, 薛學濤, 羅偉銓太太, 薛學濤太太, 吳建立夫婦