得知仁班黃汝培夫婦遠從布里斯本到訪悉尼，有貴客到訪我地悉尼一班同學於幾個星期前就約好响今日見面，我本人與黃汝培同學雖然同屆但唔相識，有幸今次機會大家見面，因方便起見我哋約定在一間會所集合，四點鐘各人準時到齊，估唔到今次聚會，俾我結識多兩位仁班同學黃秀芳及張緯文，傾偈期間話題從學校到今時無所不談，原來黃汝培係舞蹈組及樂隊成員之一，當年與外界比賽憑(我現在要出征)一場舞姿而幫學校贏到個冠軍，大家又提到當年美國米箕老鼠隊到訪澳洲，一切點點滴滴，講之不盡，雖然當年我仲未出現但聽返都津津有味，仲有當年兩地同學暢遊九寨構，所有趣事，一幕幕重現，我呢個局外人都被吸引！建立點樣蕩失路，樹坤失荷包，等等，一一重提。最神奇今次聚會樹坤先至發現黃秀芳同學與他太太係親戚，呢個世界真係妙，若緣份未到，都唔知到係相識，當年米箕老鼠隊到訪，兩位都有出席，因時間唔配合，所以兩人冇遇上，直至今次會所聚會先至知大家都係同一屆畢業。
因離訂位食晚飯仲有一段時間，黃秀芳同學邀請各人移步到佢屋企一坐，相信美國同學當年到訪澳洲亦有到黃秀芳家中作客。之後準七時半大隊到達餐館，餐館落座於我家附近一個埠仔，地方唔算好大，但都算企理，因為個個都冇意見去邊，食乜，我唯有大膽作主，帶大家到呢間細餐館嘗試，雖然訂咗位，因太旺爆晒棚，我地都要企門口食西北風，等咗半個鐘，先至可以入席，當晚鄭海同學亦有參加，呢兩個鐘頭飯局，理所當然，又一場嘻哈大笑，大約十點左右，枱上碟碟清，碟碟來個美人照鏡，我都鬆一啖氣，怕介紹唔啱各人口味，總算眾望所歸，皆大歡喜，食得開心，始終曲終人散，大家後會有期。
可惜德芳夫婦唯一決席，不能參加，因為近排冇乜牙力，唔夠人嗌，怕到時出席美國聚會嗌唔贏美國佬美國婆，所以嗱嗱臨去種返幾隻牙，到時有得輝！哈哈講笑啫！德芳唔會嬲我啩？
 |
| 前排黃汝培太太許少冰，仁班黃秀芳， 黃樹坤 太太林雪錦，我嘅皇太后兼煮飯婆陳笑鳳，吳建立太太劉詩靈，後排張緯文，黃樹坤，黃汝培，薛學濤，吳建立，羅偉銓 |
 |
| 黃秀芳豪宅，聽聞當年美國同學也曾到訪 |
 |
| 學濤太太莊珍，真係女中豪傑，幾開心，笑到見牙唔見眼 |
 |
| 大家話依家係唔係時代變咗，呢啲情景應該發生响男人身上，點會調返轉 |
 |
| Add caption |
偉銓,
ReplyDelete好多謝你們當天的安排和熱情的招待, 大部份的同學都出席, Becky 和我感激萬分.
老同學相聚是好可貴的, 你我雖是初見面, 但在吉如站裡你的大名已是響噹噹, 所以就一見如故, 卻友善,人緣甚好. 你寫的文句暢順而有趣, 康樂組長非仁兄你莫屬. 大家有同感吧 ! 汝培
自2010至今幾年冇見Peter & Becky絲毫無變，一樣咁後生有型。講起上來，我家人仲欠布里斯本同學一餐呢！原本今年年頭打算順便响Cairns 去Brisbane探訪佢哋，原來兩個地點隔好遠，不便駕車，所以打消咗念頭。點解我識得Peter &Becky呢? 有段古哩…但因當年未有吉如亦未練九方秘笈，到依家先貼文，請見諒，嘻嘻。
ReplyDelete2009年初美國鳴遠同學旅澳時，我與大家電郵通訊時認識其他班同學。我哋家人與Peter & Becky素未謀面，只從電郵联絡先知與我同學國娟，國媚認識，所以襯美國學友團聚餘興未盡，我去GoldCoast時順便探訪Brisbane的同學。佢哋兩位真係唔話得，好熱情好客，Peter幫手約其他布里斯本鳴遠同學一齊响佢間大豪宅會合，連我亞妹與姪仔女們都感親切，仲帶我哋去食晏。所以呢…Peter&Becky和Brisbane的同學，下次有機會來墨市，一定要俾機會我還番個人情啊！—翠群