袋鼠東征，猶疑啱啱結束，但計吓日子都過咗大半年。歡樂過後，十幾隻袋鼠都各有各忙，甚小聯絡。今次有幸建立發言，樹坤聯絡，趁元旦假期一月四日相約見面，聚餐。當然我地醉翁之意不在酒。雖然普普通通一餐便飯，又一次開開心心坐上三個多鐘。從餐堂開市，至全場客人埋單走清，剩下唯一一抬，都仲係雞啄唔斷。好在呢間餐廳餐堂夠大，若果細細間，老細等呢張抬揾食，必定眼超超想您快啲埋單送客。
傾談中，俾我發現建立有個驚人事跡，相信所有人都好有興趣知道。我地呢班大大話話都年過半百，若保持得好，啲牙都仲可以噍骨頭。若保養唔得好，分分鐘開始甩牙。但建立就唔同。唔知佢食咗乜，到今時今日都仲出牙，(有片為証) 。佢真係返老還童，想知佢養生之道，就應該向佢請教啦！
No comments:
Post a Comment