 |
| 洪輔蔚攝於Flinders Street Station |
 |
| 我哋搭電線車去Kilda Beach |
 |
| 靜敏鐘愛遠方燈塔 |
 |
| 陽光，沙灘，藍海，人潮…洪輔蔚不禁滿臉喜悅笑容 |
 |
| 鮮甜美味的炸魚薯條，加凍啤酒，好幸褔啊！ |
 |
| 輔蔚正在食緊嘢，唔好意思開口笑，其他三位女士一定要擺姿式嘞！ |
 |
| 嫩滑新鮮黑涼粉，讚！ |
上星期出來莆夜街餘興未盡，我哋仲要盡地主之誼繼續陪洪輔蔚周圍走。墨爾本Box Hill有一間餐館好出名嘅招牌菜北京鴨，本來打算去嗰度食，但係對於住响墨爾本西區的同學就太遠囉！而且洪輔蔚話佢唔對美食係嘛嘛啫，情願去見識下我介紹嘅海灘St.Kilda Beach，所以我哋約星期六，十月十九日下午三點响火總車站Flinders Street Station會合。我準時到了，輔蔚錯過一班車，佢立即通知我哋話會遲一個鐘，靜敏亦有啲嘢未搞掂要遲啲到。我聽見好高興，你估因么事高興嗎？因為我襯機會去行shopping吖嘛！
啱啱入一間時裝鋪睇下就接到洪輔蔚電話通知佢已經到咗。快快趕水返火車總站門口同佢會面，我哋又要等多半個鐘先見靜敏出來，原來佢响火車站底層等我哋。等完又等，難怪有人講「life is all about waiting人生盡是等待」，但係有人陪伴一齊等就唔怕悶嘞，係唔係呢？電線車係墨爾本嘅標誌之一，所以我話要好好招待朋友搭電線車係冇錯呀。尤其依家週末車票一律過$3.50澳幣就可以搭整日公車包括火車，電線車以及巴士，行暈整個墨市無限次，好方便。
我哋三個搭16號電線車就直到St Kilda海灘，電車沿住墨市著名高級住宅區，一邊油漆白色嘅聳立高樓建築物，與另一邊嘅白沙灘，綠棕櫚形成一幅非常舒服，柔和圖畫。我哋响The Esplanade站落車，遠遠就見好多人响海灘游水。熱鬧嘅海灘與寂靜嘅週末住宅區相影成趣。附近一間已有百年歷史嘅遊樂場Luna Park俗稱「大口仔」，亦係墨市標誌之一。環繞海灘係琳璃密集嘅餐館，酒吧及糕餅店，食客通常都要排隊等位呢。
立美來電話半個鐘頭到達，所以我哋三個先行去海灘玩。嗰陣已經係下午六點幾，但太陽未落，日頭仲好猛，斜陽照入眼好難受，好彩我哋有帶「黑超」（墨鏡）有型有款，讚！哈哈。有好多人响沿著海灘嘅水泥路徑跑步，沙灘都幾乾淨，可惜冇枱櫈，大傘俾人坐乘涼。行過沙灘，見到窄狹大約一尺寬嘅木碼頭，一邊有手扶木欄杆，另一邊冇欄。一對對情侶坐响欄杆，當有人行過，佢哋故意讓位，緊緊攬埋一齊，真好笑，哈哈。海水好清好綠，風吹水面微微波動，企响碼頭一陣就感覺整個人好似跟住海浪輕輕搖擺，遠遠有個燈塔，好靚嘅一幅天然畫象，趕忙攞相機幫靜敏捕捉一剎那間嘅光輝，成永恒記憶！
有講有笑中亦不忘記與立美有約，可能手提電話鈴聲弱，唔聽見立美打電話俾我，搞到佢响麥當勞等咗半個鐘，真係唔好意思嘞！好彩立美大人有大量，放我一馬，嘻嘻…下次唔敢囉。我哋四人幫决定去搵美食。已經係晚飯時間，又係星期六，又係旅遊區…大家可想而知餐館幾咁忙啊！沙灘加遊客令我諗起响Cairns食過嘅新鮮炸魚薯條，結果大家都同意試下St.Kilda嘅炸魚薯條。行冇幾遠就見到一個大招牌寫個Flake字，冇錯！係佢囉！多數炸魚薯條店使用flake（鯊魚仔肉），亦有其他魚類供客選摘。好多人叫外買takeaway去對面公園草坪坐食，我哋叫每人一客炸魚薯條套餐另加一碟大沙拉，經濟實惠又好味！大家坐响餐室內邊食邊講笑，靚女待應不但見怪不怪，仲好好招呼我哋添！
食完晚餐後，立美話泊車咪錶時間仲有半個鐘，可以再行街睇嘢。呢次我哋好輕鬆好自在咁…欣賞夜市景色，攞相機影番啲引人留口水嘅雪糕，西餅照片。雅意未盡，立美取車後戴我哋去唐人街食糖水。靜敏介紹台式甜品，我第一次食新鮮黑涼粉，果然嫩滑好味，靜敏好介紹，不愧被當選「甜姐兒」，哈哈。最後我哋分手互道晚安，靜敏與洪輔蔚搭電線車，立美取車載我回家，大家再約下星期見… 翠群
無意中看到此 blog, 才發現你們的校友: 洪輔蔚；潘永漢， 駱强等，都是我多年前的好友。因為我也是火焰舞蹈團團員之一， 也是洪輔蔚在火焰舞蹈中的的最佳拍擋， 哈哈。。。我們已失聯快 30 年了， 如今在您的 Blog 里看到他們的近况，勾起不少回憶，也感歎時光飛逝。。。非常謝謝貴同學會，把大家牽起來又带回到從前了。
ReplyDelete請代我問侯大家。
黎志寛 - 北加州
Email: candylee@viatech.com
謝謝來函和留言。相信有心人看到會很開心和與您連絡的。
ReplyDelete「吉如站」裡有一個「吉如平安站」專輯, (可參考以下網址) 裡面有老同學們的三分鐘報平安錄影。也許有其他您認識的人也說不定。
http://geelooselfintroduction.blogspot.com/2013/01/blog-post.html
感謝點閱吉如站, 歡迎您常進站留言。
吉如站長
下面兩則疑惑, 希望能得到解答:
ReplyDelete1) 都巳經是四十多年前的事了, 本人不太記得细節了。您說您「不是鳴遠校友，但也是火焰舞蹈團團員之一亅, 那是怎么一回事哦？
2) 請問您是怎么知道這個「吉如站」呢？(您的回答可助本站作參考改進之用)
吉如站長
謝謝妳這樣快回我訊息. 我曾唸致之英文書院.當時我們的舞蹈教練曾結合我和幾位致之同學與鳴遠8位同學包括有洪輔蔚，潘永漢，駱強，鍾文，還有另外4位鳴遠女同學(我不太記得名字了)，組織了一個業餘的"火焰舞蹈團", 把我們這些熱愛舞蹈的人連合起來，到各校園表演助興，純為興趣，非謀利...哈哈.....排練舞蹈是我們那時課後最大的樂趣之一.
ReplyDelete我最近有一些越南舊同學聯絡我參加同學會，一些越南舊事回憶忽然湧起，尤其是火焰舞蹈團的練習點點滴滴，於是Google 洪輔蔚名字，就才把我帶到妳的Blog 去了.這世界真是小啊!
Cheer~
Candy
哈哈！估唔到洪輔蔚咁出名，我一google就出晒佢嘅料。吖呀！好對唔住洪輔蔚同學啦，俾我同吉如捧紅咗佢… 好彩我整係寫錯字，冇講錯話，唔係就痲煩啦，哈哈！翠群
ReplyDeleteHi, Tsui Qun, Thanks for your and GL's support. I love your sense of humour. It always make me laugh. Whenever I come across your email or article, I read back and forward many time hoping to squeeze some more laugh out of it. You are an " open heart fruit ". By the way, I would like to show my gratitude for being promoted and presented to GL's website from which I found my long lost good old friend. If I had not met you none of this would have happened. Life is so fascinating. My Chinese typing is not ready yet, next time perhaps. I almost cried that I could not join MV reunion and I so envied those could. May all the best thing to the reunion. sha yo na ra, ha ha. Fu Wei
Delete嘩！真係好耐唔聽見你嘅聲氣囉！以為「皇爺」你退出江湖，估唔到你閉關練武都不忘閱讀吉如。正因為咁樣，先至搵番舊時好友，恭喜你！多謝「皇爺」下聖旨，封我「open heart fruit開心果」，哈哈！有句話「laughing is the most inexpensive beauty therapy笑容係最便宜的美容術」，所以我鐘意搞笑，你唔怪責就好啦。火焰舞蹈團咁出名，如果你有相片，可否郵寄吉如幫貼上網頁，好讓我哋一睹為快。
Delete雖然我哋今次冇機會參加四十週年大會，冇有怕！因為玩開有癮，隨時都可以再辦四十一，四十二等週年大會呢！美國校友每年都有聚會，有心唔怕遲，我亦打算…留夠美鈔就去美加一遊，人少好招呼，到時…萬千寵愛在一身，諗落好開心啊！
翠群
Hi, Qun
DeleteI read your reply again and again in case I missed out something. I was laughing all the way till I reached your last word.I agree with you that we would be spoiled if we visited them in private. Let me know when you save enough green dollars so together we could pay them a visit if you like.
The Chinese software you gave me I think it is not compatible to my laptop, Window 7. I tried it but it is not working properly. Any suggestion.
Fu Wei
洪輔蔚，你好！
ReplyDelete聽你講讀來讀去我寫嘅回覆，我有啲担心，因為每次我讀來讀去…就搵到錯字！！！講笑啫，見你讀咗就笑得咁開心，我都為你高興嘞。吉如話齋：獨樂樂不如眾樂樂。所以我有pistachios就同大家分享，有助於健康，哈哈。相信你我都睇過四十週年聚會嘅相片嘞，我見到好多舊同學個樣貌，依然仲有往日嘅神態，氣派，真係好嘢喎！响我呢度嘅同學仔都好想去美加一遊，相信我哋會有機會再來一次週年「小」會嘞。
我都係用win 7，我安裝軟件後，每次使用都要回答選yes （make change to this compter）先至得。唔知你係唔係同樣情況呢？至於使用問題，我會憑自已嘅經驗來指點你，相信我師父都會好開心，因為如果我做咗師父，佢將會升職做「師爺」嘞，嘻嘻。如再有疑問，請電郵我詳細情形，會方便啲。
翠群